कमलबजार, भाद्र ०६ ।
कमलबजार नगरपालिका वडा नं ८ ढाँकुमा कृषकले लगायतको मकैबाली जंगली जनावर बदेलले नष्ट गर्न थालेपछि कृषकहरु चिन्तित बनेका छन । यसै बिच चिन्तित बनेका कृषक लाई वडा अध्यक्ष प्रजा बहादुर बोगटीले क्षति पुगेका कृषकको विवरण संकलन गरि राहतको पहल गरिने बताउनु भएको छ । आज कमलबजार दैनिक संग कुरा गर्दै अध्यक्ष बोगटीले यस्तो बताउनु भएको हो । साथै उहाँले वडा भित्रका जंगली जनावरले क्षति पुर्याएका कृषकले तत्काल विवरण उपलब्ध गराई दिन अनुरोध समेत गर्नुभएको छ । वडा अध्यक्ष बोगटीले सम्बन्धित निकायमा विवरण पुर्याउनुका साथै वडा कार्यालयले सक्दो राहतका लागि पहल गर्ने प्रतिबद्धता व्यक्त गर्नु भएको छ ।
